FALADOIRO de INICIATIVAS LINGÜÍSTICAS

                               

 

Un espectáculo saudábel de maxia, lingua e beizos en forma de cunca.

​

Unha festa integral, a través dos fermentos do noso idioma. Unha lingua agarimosa e tenra, que non é apoucada por ren. Unha canle de intercambio comunicativa, viva, moderna, adaptada ós tempos actuais, posuidora de elementos históricos e contemporáneos...unha marabilla!.

 

A protagonista deste faladoiro, propón un percorrido escénico de ilusionismo e humor con estima sa. Traxecto sumado a algunha das moitas capacidades e poderes que dispoñemos, ao compartir e contar cun idioma. Facultades especiais para transformar a realidade:

​

a práctica de tódolos xeitos de comunicación e relación posibles fainos heroes e heroínas. Outórganos, entre outras, o don da escoita e da linguaxe, a graza de pórse na pel da persoa de fronte,...a dita de manifestar, participar ou colaborar.

​​

​

Entrade a este ritual de maxia e afecto lingüístico. Pasade a gozar dunha escolma de aventuras socioculturais:​

​

a saborear a maxia do infinitivo conxugado...ou flexionado,

a enredar coa vogal a: “para sacar a carta da baralla, ca man das labazadas”,

a desmitificar opinións anacrónicas sobre nosa fala,

a partillar o teorema da F.I.L. O “Faladoiro de Iniciativas Lingüísticas” promulga:
 

o incremento no emprego do noso idioma, multiplicado polo seu uso en tódolos tramos de idade, causa un vertixinoso aumento das neuronas espello, un alongamento dos telómeros máis un axuste na consideración social e cultural da nosa alfaia comunicativa: o galego.

 

 

ILUSIONISTA                                                         GUIÓN                            

A Maga Fani                                                         A Maga Fani                

                  

DIRECCIÓN                                                             DESEÑO ILUMINACIÓN                                                                                                  

A Maga Fani                                                         Ángel Modia                                 

Martín Camiña

​

TÉCNICO ILUMINACIÓN                                   VESTIARIO

Chiqui                                                                      Producións Herméticas

 

TÉCNICA DE SON                                                 COBERTURA TÉCNICA

Isa                                                                              Escóitame Producións