As NOSAS ANCESTRAS ANÓXANSE: ¿QUE ACONTECE COA NOSA LINGUA?

                               

As deusas e matriarcas da nosa terra, dende o máis alá, ollan e anóxanse ao ver o que os humanos fixeron coa súa lingua: como foi deostada, ao comprobar como descenderon o                  número de falantes,... sorpréndense cando, case non atopan prensa escrita en galego e mesmamente abráianse cando piden “un café con leite” e escoitan: “¿con que?”.

 

Porén, esas deusas e matriarcas da nosa terra contactan coa Maga Fani, recibindo ela a seguinte información encriptada:

​

“canto te atopes no ano 114 d.CE. (despois de Celso Emilio), herdarás unha espada “antialdraxes”, coa misión de realizar unha viaxe escénica, máxica e lingüística. Percorre cada recanto do país, dende Fisterra até O Rosal, pasando por Ribadavia, Lourenzá e Os Ancares. Amosa, ora as anormalidades decotío no uso do galego, ora a marabilla de posuír un “Monte Pindo” de fala propia e realiza un espectáculo de ilusionismo, e amor pola nosa lingua, que sexa máis sorprendente que atopar un programa cultural na televisión.

Esta é a túa finalidade, un propósito de estima e consideración pola nosa cultura”.

 

 

ILUSIONISTA                                                         GUIÓN                            

Maga Fani                                                             Maga Fani                

                  

DIRECCIÓN                                                             DESEÑO ILUMINACIÓN                                                                                                 Maga Fani                                                             Ángel Modia                                 

Martín Camiña

​

TÉCNICO ILUMINACIÓN                                   VESTIARIO

Chiqui                                                                      Producións Herméticas

 

TÉCNICA DE SON                                                 COBERTURA TÉCNICA

Isa                                                                              Escóitame Producións